രാധ തന്‍ പ്രേമത്തോടാണോ കൃഷ്ണാ ഞാന്‍ പാടും ഗീതത്തോടാണോ
പറയൂ നിനക്കേറ്റം ഇഷ്ടം പക്ഷേ പകല്‍ പോലെ ഉത്തരം സ്പഷ്ടം
ശംഖുമില്ല കുഴലുമില്ല നെഞ്ചിന്റെയുള്ളില്‍ നിന്നീ
നഗ്ന സംഗീതം നിന്‍ കാല്‍ക്കല്‍ വീണലിയുന്നു (2)
വൃന്ദാവന നികുഞ്ചങ്ങളില്ലാതെ നീ
ചന്ദനം പോല്‍ മാറിലണിയുന്നു (2)
നിന്റെ മന്ദസ്മിതത്തില്‍ ഞാന്‍ കുളിരുന്നു
പറയരുതേ രാധ അറിയരുതെ
ഇത് ഗുരുവായൂരപ്പാ രഹസ്യം
കൊട്ടുമില്ല കുഴലുമില്ല നെഞ്ചില്‍ത്തുടിക്കുമെന്‍
ഇടക്കയിലെന്‍ സംഗീതം പഞ്ചാഗ്നി പോല്‍ ജ്വലിക്കുന്നു (2)
സുന്ദരമേഘച്ചാര്‍ത്തെല്ലാമഴിച്ചു നീ നിന്‍
തിരുമെയ് ചേര്‍ത്തു പുല്‍കുന്നു (2)
നിന്റെ മധുരത്തില്‍ ഞാന്‍ വീണുറങ്ങുന്നു
പറയരുതേ രാധ അറിയരുതേ..
ഇത് ഗുരുവായൂരപ്പാ രഹസ്യം
Subscribe to:
Post Comments (Atom)
No comments:
Post a Comment